संविधान मस्यौदामाथि बौद्धमार्गीहरूको नौ बुंदे सुझाव

काठमाण्डौं, श्रावण–५
नयाँ बन्ने सविधानको मस्यौदामाथि नेपालका त्रियान (थेरवाद, महायान र वज्रयान) ले संयुक्त रुपमा ९ बुंदे सुझाव सहित संविधान सभाका अध्यक्ष, सुवासचन्द्र नेम्वाङ्ग र नागरिक सम्बन्ध तथा संविधान सुझाव समितिका सभापति प्रमिला राणालाई बुझाएको छ । सुझावमा संविधानको प्रस्तावना र धाराहरुमा समेटनु पर्ने विषयहररूलाई नौ बुंदमा समेटिएको छ ।

१) संविधानको प्रस्तावनामा नेपाल बुद्ध जन्म भूमि शब्द राख्नु पर्ने,
२) संविधानको प्रस्तावनामा नेपाल धर्म निरपेक्ष राष्ट्र शब्द राख्नु पर्ने,
३) संविधानको असंसोधनीय धारामा धर्मनिरपेक्ष राष्ट्रलाई राख्नु पर्ने,
४) परम्परागत धार्मिक शैक्षिक प्रणालीलाई संवैधानिक मान्यताको प्रत्यभुति गर्नुपर्ने,
५) परम्परागत धार्मिक शैक्षिक प्रणालीलाई आधारभूत तहदेखि उच्च तहसम्म निःशुल्क शिक्षा पाउने हक हुनुपर्ने ।
६) नेपालमा रहेक बौद्ध धर्म, संस्कृति, सम्पदा आदि संरक्षण संवद्र्धन र विकासका लागि एक आधिकारिक संवैधानि अंग सरहको राष्ट्रिय बौद्ध आयोग हुनेछ भनि संविधानमा व्याख्या गर्नु पर्ने ।
७) संविधानको प्रारम्भिक मस्यौदामा जनमत संकलनको लागि संविधानसभाले निर्धारण गरेको २ दिन मात्रको समय अवधि प्रयाप्त नभएकाले सो समय बढाएर स्थानीय तहको जनता माझामा पुगेर राय सुझाव संकलन गरिनु पर्ने ।
८) पहिलो संविधानसभामा सहमति भई दोस्रो संविधानसभाले स्वामित्व ग्रहण गरेका अधिकारहरू नयाँ संविधानमा सुनिश्चित गरिनु पर्ने ।
९) धर्मनिपेक्ष राष्ट्रको सिद्धान्त, मूल्य मान्यता विपरीत हुने गरी राष्ट्रिय जनावर गाई लगायतका प्रावधानहरू हटाइनु पर्ने ।